«Ростов»нинг ўзбекистонлик ҳужумчиси Элдор Шомуродов «Женоа»га ўтишга яқин турибди.
25 ёшли футболчи 2 октябрь, жума куни Италияда тиббий кўрикдан ўтади, шундан сўнг у Генуя клуби билан 4 йиллик шартнома имзолайди, дея хабар бермоқда «Спорт-Экспресс» нашри.
Манбага кўра, «Женоа» бонуслар билан бирга Шомуродов учун 9 миллион евро тўлайди. Шунингдек, донликлар Элдорнинг кейинги трансферларидан тушадиган маблағнинг 15 фоизига эга чиқади.
Маълумот учун, Элдор ростовликлар сафида 2017 йилдан бери тўп тепиб келади. Мазкур вақт мобайнида у 91 ўйинда майдонга тушиб, 18 та гол урди ва 12 та голли узатма амалга оширди. Унинг «Ростов» билан амалдаги шартномаси 2024 йилгача мўлжалланган.
25 ёшли футболчи «Машъал» академияси тарбияланувчиси ҳисобланиб, «Ростов»дан аввал «Бунёдкор» сафида ҳаракат қилган.
Изоҳ (0)