«Ростов» ҳужумчи Элдор Шомуродовнинг «Женоа»га ўтаётганини тасдиқлади.
Ростов ва Италиянинг «Женоа» клуби ўртасида ҳужумчининг трансфери борасида келишувга эришилди.Эслатиб ўтамиз, аввалроқ «Женоа» бонуслар билан бирга Шомуродов учун 9 миллион евро тўлаши, шунингдек, донликлар Элдорнинг кейинги трансферларидан тушадиган маблағнинг 15 фоизига эга чиқиши ҳақида хабар берилганди.Сенга омад тилаймиз, Элдор!
«Ростов» баёноти
Маълумот учун, Элдор ростовликлар сафида 2017 йилдан бери тўп тепиб келади. Мазкур вақт мобайнида у 91 ўйинда майдонга тушиб, 18 та гол урди ва 12 та голли узатма амалга оширди. Унинг «Ростов» билан амалдаги шартномаси 2024 йилгача мўлжалланган.
25 ёшли футболчи «Машъал» академияси тарбияланувчиси ҳисобланиб, «Ростов»дан аввал «Бунёдкор» сафида ҳаракат қилган.
- Элдор Шомуродовнинг «Ростов»даги топ-16 голи
- Элдор Шомуродовнинг Ўзбекистон терма жамоаси таркибидаги голлари тўплами
- Элдор Шомуродовнинг Европа Лигаси доирасида «Маккаби» дарвозасига урган голи
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)