“Rostov” hujumchi Eldor Shomurodovning “Jenoa”ga o‘tayotganini tasdiqladi.
Rostov va Italiyaning “Jenoa” klubi o‘rtasida hujumchining transferi borasida kelishuvga erishildi.Eslatib o‘tamiz, avvalroq “Jenoa” bonuslar bilan birga Shomurodov uchun 9 million yevro to‘lashi, shuningdek, donliklar Eldorning keyingi transferlaridan tushadigan mablag‘ning 15 foiziga ega chiqishi haqida xabar berilgandi.Senga omad tilaymiz, Eldor!
“Rostov” bayonoti
Ma’lumot uchun, Eldor rostovliklar safida 2017-yildan beri to‘p tepib keladi. Mazkur vaqt mobaynida u 91 o‘yinda maydonga tushib, 18 ta gol urdi va 12 ta golli uzatma amalga oshirdi. Uning “Rostov” bilan amaldagi shartnomasi 2024-yilgacha mo‘ljallangan.
25 yoshli futbolchi “Mash’al” akademiyasi tarbiyalanuvchisi hisoblanib, “Rostov”dan avval “Bunyodkor” safida harakat qilgan.
- Eldor Shomurodovning “Rostov”dagi top-16 goli
- Eldor Shomurodovning O‘zbekiston terma jamoasi tarkibidagi gollari to‘plami
- Eldor Shomurodovning Yevropa Ligasi doirasida “Makkabi” darvozasiga urgan goli
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)