Футбол бўйича Coca-Cola Суперлиганинг 17-туридан ўрин олган икки ўйин 26 сентябрь, шанба куни бўлиб ўтди.
«Навбаҳор» жамоаси ўз уйида «Насаф»ни қабул қилди. Биринчи бўлимда майдонда тенг кураш кечди, қаршиликлар вазиятлар яратишда бироз устунлик кузатилди. Иккинчи бўлимда майдон эгалари фаолликни оширди, бироқ учрашувдаги ҳисоб ўйин якунига қадар ўзгармай қолди.
«Насаф» 17-турдан кейин 33 очко билан 3-ўринда бормоқда, «Навбаҳор» (22) эса 7-поғонадан ўрин олган.
ОКМК эса ўз уйида «Қизилқум» билан куч синашди. Дастлаб меҳмонлар 11-дақиқада Алишер Саноевнинг голидан кейин олдинга ўтиб олди. Иккинчи бўлим дебютида навоийликлар бир ўйинчи кам бўлиб қолди: Эркин Бойдуллаев иккинчи сариқ карточкасини олиб майдонни тарк этди.
Шундан сўнг ташаббусни ўз қўлига олган олмалиқликлар 68-дақиқада мувозанатни тиклашга эришди. Гол муаллифи — Ёван Жокич. Учрашувга қўшиб берилган вақтда Зафар Полвонов бурчакдан узатилган тўпни боши билан дарвозага жойлаб қўйди ва мезбонларнинг ғалабасини таъминлади.
Шу тариқа Миржалол Қосимов жамоаси яна бир бор сўнгги дақиқалардаги гол эвазига ғалабани илиб кетди. ОКМК очколарини 36 тага етказиб олган ҳолда 2-ўринда бормоқда. «Қизилқум» (14) эса 11-поғонадан жой олган.
Coca-Cola Суперлига
17-тур баҳслари
26 сентябрь, шанба
«Навбаҳор» — «Насаф» 0:0
«Навбаҳор»: Ўткир Юсупов, Ғиёс Комилов, Иван Соловёв, Азиз Турғунбоев, Сардар Теляков (72.Павел Голишев, 81), Мирзоҳид Ғофуров, Даврон Ҳошимов, Игор Голбан, Ислом Рашидхонов (Эҳсони Паншанбе, 46), Аббос Ғуломов (Ислом Исоқжонов, 55), Руслан Болов (Шоҳруҳ Маҳмудхожиев, 58).«Насаф»: Абдувоҳид Неъматов, Ҳусниддин Алиқулов, Ғолиб Ғайбуллаев, Дилшод Раҳматуллаев, Дилшод Саитов, Бобир Абдихолиқов, Шароф Муҳитдинов, Ҳусайн Норчаев (Ойбек Бозоров, 61), Ислом Кенжабоев (Шерзод Насруллаев, 78), Акмал Мозговой (Марко Станоевич, 61), Умар Эшмуродов.
Огоҳлантиришлар: Алиқулов (42), Ғайбуллаев (86), Комилов (90+5).
ОКМК — «Қизилқум» 2:1
Голлар: 0:1 – 11 Саноев, 1:1 – 68 Жокич, 2:1 – 90+2 Полвонов.ОКМК: Валижон Раҳимов, Акмал Шораҳмедов, Игор Зонич (Жасур Умаров, 64), Бобур Йўлдошев, Мурод Тошматов, Ёван Жокич, Миржамол Қосимов (Арслонмурат Аманов, 46), Баҳром Абдураҳимов (Шаҳзод Нурматов, 55), Санжар Турсунов, Мате Вацадзе (Зафар Полвонов, 46), Элгужа Григалашвили (Ҳусниддин Ғофуров, 73).
«Қизилқум»: Игнатий Нестеров, Владислав Касминин, Эркин Байдуллаев, Ойбек Қиличев (Илҳомжон Кенжаев, 74 (Суннатилла Абдуллажонов, 89)), Руслан Маргиев, Алишер Саноев, Салим Мустафоев, Шерали Жўраев, Иброҳим Томива (Жасур Азимов, 55), Олег Толмасов, Жамшид Ҳасанов (Файзулла Қамбаров, 74).
Огоҳлантиришлар: Бойдуллаев (7), Вацадзе (13), Қиличев (40), Аманов (48), Ҳасанов (51), Касминин (51).
Четлатиш: Бойдуллаев (51).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)