«Манчестер Сити» ҳужумчиси Габриэль Жезус бир ой муддатга сафдан чиқди, дея хабар қилмоқда ESPN.
Жезус 21 сентябрь куни «Вулверҳэмптон»га (3:1) қарши кечган АПЛ ўйинида жароҳат олганди.
Ҳужумчи Бразилия терма жамоасининг ЖЧ—2022 саралаш босқичидан ўрин олган Боливия (9 октябрь) ва Перуга (13 октябрь) қарши ўйинларида иштирок этмайди.
Жезуснинг ўрнига «Ҳерта» форварди Матеус Куня терма жамоага жалб қилинган.
Эслатиб ўтамиз, «Манчестер Сити»нинг яна бир марказий ҳужумчиси Серхио Агуэро ҳам жароҳат сабаб жамоасига ёрдам бера олмаяпти. Аввалроқ футболчи яна икки ой майдонга қайта олмаслиги мумкинлиги айтилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)