Ўзбекистон 2020 йилнинг 1 сентябрь ҳолатига кўра, Германияга 5,4 миллион АҚШ долларига тенг озиқ-овқат маҳсулотларини экспорт қилган. Бу кўрсаткич ўтган йилнинг мос даври билан солиштирилганда 722 минг АҚШ долларига кўп, деб хабар бермоқда Давлат статистика қўмитаси.
Маълум қилинишича, ўтган 8 ой мобайнида Ўзбекистон ва Германия ўртасидаги савдо айланмаси 483,6 миллион АҚШ долларини ташкил этган. Бунда экспорт 45,6 миллион ва импорт ҳажми 438,0 миллион АҚШ долларига тенг бўлган.
Ўзбекистоннинг Германияга экспорти таркиби:
- хизматлар – 30,9 миллион;
- озиқ-овқат маҳсулотлари – 5,4 миллион;
- тўқимачилик маҳсулотлари – 4,5 миллион;
- кимёвий маҳсулотлар – 2,4 миллион;
- бошқа маҳсулотлар – 2,4 миллион АҚШ долларини ташкил қилган.
Изоҳ (0)