O‘zbekiston 8 oyda qiymati 5,8 milliard AQSh dollariga teng bo‘lgan oltin sotgan. Bu ko‘rsatkich o‘tgan yilning mos davriga 147,2 foizni tashkil etib, 1,8 milliard AQSh dollariga ko‘p, deya xabar bermoqda Davlat statistika qo‘mitasi.

Foto: Fortune

Oltin eksporti 2020-yil yanvar–avgust oylaridagi jami eksport ulushining 50 foizini tashkil etmoqda.

Ma’lumot o‘rnida, O‘zbekiston jahonning 160 dan ortiq mamlakati bilan savdo aloqalarini amalga oshirib kelmoqda.

O‘tgan sakkiz oy mobaynida respublikaning tashqi savdo aylanmasi 24,5 milliard AQSh dollarini tashkil etib, o‘tgan yilning mos davriga nisbatan 3,5 milliard AQSh dollariga kamaygan.

Tashqi savdo aylanmasida eksport 11,6 milliard AQSh dollari, import hajmi 12,9 milliard AQSh dollariga teng bo‘lib, tashqi savdo aylanmasi saldosi -1,3 milliard AQSh dollarini tashkil etgan.

Avval O‘zbekiston 2020-yilning iyul oyida oltin sotish bo‘yicha dunyoda yetakchiga aylangani xabar qilingandi.