Тошкент шаҳри Мирзо Улуғбек туманида 23 сентябрь куни 31 ёшли ҳайдовчи бошқарувидаги Mercedes-Benz автомобили бошқарувнинг қўлдан чиқиши оқибатида ЙТҲга учради. Бу ҳақда Тошкент шаҳар ИИББ хабар берди.
Маълум қилинишича, 23 сентябрь куни тахминан соат 18:20 да Мустақиллик шоҳкўчасида жойлашган «Пушкин» метро бекати яқинида йўл-транспорт ҳодисаси рўй берди. 31 ёшли Бахт Ю. Mercedes-Benz русумли автомобилни ҳайдаб кетаётган вақтда бошқарувни йўқотган ва темир устунга урилган. ЙТҲ оқибатида ҳайдовчи тан жароҳатлари билан шифохонага ётқизилган.
Изоҳ (0)