Сурхондарё вилоятининг Қумқўрғон туманида Captiva олиб қочган 29 ёшли йигитга жиноят иши қўзғатилди. Бу ҳақда ИИВ ҳузуридаги Тергов департаменти хабар берди.
Маълум бўлишича, 21 сентябрь куни соат 09:30 да номаълум шахс Қумқўрғон тумани «Каттакўл» маҳалласида яшовчи 41 ёшли Б.Х.нинг уйи олдида турган Captiva’ни олиб қочган.
Олиб борилган тезкор-қидирув тадбирлари натижасида мазкур жиноятни 29 ёшли Ш.С. содир этганлиги аниқланиб, олиб қочилган автомашина ашёвий далил тариқасида расмийлаштириб олинган.
Ҳолат юзасидан Қумқўрғон тумани ИИБ ҳузуридаги тергов бўлими томонидан Ш.С.га нисбатан Жиноят кодексининг 267-моддаси 1-қисми (транспорт воситасини олиб қочиш) билан жиноят иши қўзғатилган. Ушбу моддада беш йилдан ўн йилгача озодликдан маҳрум қилиш жазоси белгиланган.
Дастлабки тергов жараёнида Ш.С. айбланувчи тариқасида ишда иштирок этишга жалб қилиниб, унга нисбатан қамоққа олиш тарзидаги эҳтиёт чораси қўлланилган.
Изоҳ (0)