Бутун дунё бўйлаб 21 сентябрь 18:00 ҳолатига кўра, COVID-19 билан касалланганлар сони 31 092 895 кишини ташкил қилмоқда. Бу ҳақда Жонс Ҳопкинс университети маълум қилди.
Университетнинг статистикасига кўра, 21 274 210 киши ёки беморларнинг 2/3 қисми қисми касалликдан фориғ бўлган. 961 301 киши эса ушбу касаллик оқибатида вафот этган.
Касалликлар сони бўйича рўйхатда ҳали ҳамон АҚШ (6 812 470 нафар кишида касаллик қайд этилган) етакчилик қилмоқда. Ундан кейинги ўринларда Ҳиндистон (5 487 580) ва Бразилия (4 544 629) турибди. Эътиборли томони юқоридаги 3 та давлатда дунё бўйлаб касалланганларнинг 51 фоизидан кўпроғи қайд этилган.
Соғайганлар сони бўйича ҳам юқоридаги учта давлат рўйхатда пешқадамлик қилмоқда. Биринчи ўринда Ҳиндистон (4 396 399) бўлса, Бразилия (3 963 446) ва АҚШ (2 590 671) кейинги ўринларда қайд этилган.
Ўлим ҳолатлари бўйича ҳам юқоридаги уч давлат рўйхатнинг юқорисида қайд этилган. АҚШда 199 517 киши коронавирусдан вафот этган. Бразилияда 136 895 киши, Ҳиндистонда 87 882 киши COVID-19 оқибатида ҳаётдан кўз юмган.
Маълумот учун, дунёда коронавирусга чалинганлар сони 30 августда 25 миллиондан, 11 сентябрь куни 28 миллиондан, 14 сентябрь куни эса 29 миллион 18 сентябрь куни 30 миллион кишидан ошган эди.
Изоҳ (0)