Трамп TikTok’нинг Oracle ва Walmart билан ҳамкорлигига розилик берди

АҚШ президенти Дональд Трамп Американинг Oracle ва Walmart компаниялари TikTok видеоиловасининг 20 фоизига эгалик ҳуқуқини берувчи келишувга розилик берди, деб хабар бермоқда Meduza CNN’га таяниб.

Reuters’нинг аниқлик киритишича, ушбу келишув иловага АҚШда ишлашни давом эттиришга имкон беради, чунки Oracle АҚШнинг TikTok фойдаланувчилари маълумотларини «АҚШ миллий хавфсизлик талабларига мувофиқ» ўз маълумотлар базасида сақлайди. CNN’нинг ёзишича, Трамп келишувни маъқуллади.

Шунингдек, Reuters’нинг қўшимча қилишича, келишув TikTok’ни Хитойнинг ByteDance’дан тортиб олиш мақсадида эмас, ҳамкорлик сифатида тузилган.

The Washington Post таъкидлашича, бу дастлаб Трамп қатъий туриб олган TikTok’ни бутунлай сотиш фикридан «ортга ташланган катта қадамдир». Келишувда TikTok компанияси штаб-квартираси АҚШда (эҳтимол Техасда) жойлашиши кўзда тутилган. Reuters манбаси маълумотларига кўра, TikTok Глобалънинг 80 фоиз улуши хитойликларга тегишли бўлади. CNN манбасига кўра, ByteDance TikTok’нинг мажоритар акционери бўлиб қолади.

Bloomberg хабарига кўра, Oracle ва Walmart 12,5 фоиз ва 7,5 фоизлик улушни қўлга киритиш учун мос равишда жами 12 миллиард доллар тўлашга рози. ByteDance келишув доирасида сервис 60 миллиард долларга баҳоланишига эришмоқчи.

Reuters суҳбатдоши, ўз навбатида америкалик инвесторлар ByteDance’нинг 40 фоизига эгалик қилишига эътибор қаратган. Оқ уй шундай йўл билан TikTok Global’нинг аксарият қисми АҚШ ҳамкорларига тегишли деб ҳисоблайди.

ByteDance келишув доирасида АҚШда 25 мингта иш ўрини яратишга рози бўлган. Хитой компаниясида ушбу келишув шартлари «адолатсиз» деб топилган, аммо бу TikTok АҚШда ишлашни тўхтатиши ёки бутунлай Америка компанияларига сотилишидан яхшироқ эканлиги таъкидланган.

Reuters тахминига кўра, Трамп 2020 йил ноябрь ойида бўлиб ўтадиган президентлик сайловлари сабабли ҳам америкалик ёш сайловчиларни ўзига қарши турмаслиги учун TikTok масаласида муросага келган.

Эслатиб ўтамиз, Дональд Трамп 2020 йилнинг 6 август куни АҚШда TikTok’ни блоклашни кўзда тутувчи фармонни имзолаганди. Фармонга кўра, агар хизматнинг АҚШдаги операциялари Америка компаниясига сотилмаса, TikTok АҚШда ҳужжат имзоланганидан 40 кундан кейин блокланиши назарда тутилганди. Шу тариқа, Дональд Трамп ByteDance компаниясига шартнома тузиш учун 20 сентябргача муҳлат берганди. Шунингдек, Трамп ана шу санада WeChat’ни блоклашни ҳам ваъда қилган.