Дунёда коронавирус тарқалишининг марказига айланган Хитойнинг Хубэй провинциясидаги Ухань шаҳри пандемия сабабли кузатилган етти ойлик танаффусдан кейин биринчи халқаро йўловчи авиарейсни қабул қилди. Бу ҳақда «Korrespondent.net» хабар берди.
Маълум қилинишича, Жанубий Кореянинг ТъWай Airlines авиакомпанияси 16 сентябрь куни Сеул—Ухань—Сеул йўналишида парвозни амалга оширган. Рейс Boeing 737-800 самолётида ҳафтада бир марта, чоршанба кунлари амалга оширилади.
Уханга етиб келган барча 60 нафар йўловчи 14 кунлик карантинни ўташ учун махсус меҳмонхоналарга жўнатилган.
Айни пайтда Ухандаги Тянхе халқаро аэропорти 73 та ички йўналиш бўйича йўловчи ташиш учун авиарейсларни қайта тиклаган. Ҳар куни аэропорт тахминан 500 та рейсга хизмат кўрсатади. Ички рейсларнинг тикланиши муносабати билан аэропортнинг кунлик ўтказиш қуввати ўтган йилнинг шу давридаги кўрсаткичнинг 90 фоизидан ошган.
Аввалроқ Пекин аэропорти қарийб ярим йиллик танаффусдан кейин 3 сентябрь куни саккизта давлатдан авиарейсларни қабул қилишни бошлагани ҳақида хабар берилганди.
Изоҳ (0)