Франция Профессионал футбол Лигаси тартиб интизом қўмитаси Лига 1 3-тури доирасида ПСЖ ва «Марсель» жамоалари ўртасидаги учрашувдаги (0:1) жанжалли вазият борасида қарор қабул қилди.
Учрашув якунланиши арафасида икки жамоа футболчилари ўртасида тортишув юзага келган, бунинг натижасида ПСЖдан Неймар, Леандро Паредес ва Левен Курзава четлатилган, «Марсель»дан эса Жордан Амави ва Дарио Бенедеттога қизил карточка кўрсатилганди.
Тартиб интизом қўмитаси қарорига кўра, энг узоқ муддатли дисквалификация Курзавага (6 та ўйин) берилди, Амави учта ўйиндан четлатилган, Неймар ва Паредес иккита учрашувга (ва битта шартли равишда) дисквалификация қилинган, Бенедетто эса битта ўйинни ўтказиб юборади.
Шунингдек, қўмита «Марсель» ҳимоячиси Альваро Гонсалеснинг Неймарга нисбатан ишлатган ирқчилик кайфиятидаги сўзлари юзасидан иш очган.
Қўшимчасига ПСЖ ярим ҳимоячиси Анхель ди Мариянинг Гонсалес томонга атайин тупурган вазият ҳам ўрганилади.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)