Енгил вазн тоифасида UFC чемпиони Ҳабиб Нурмагомедов ўзини афсонавий боксчи Муҳаммад Али билан солиштиришлари ҳақида фикр билдирди.
«Бизни солиштиришлари нотўғри. У чемпион — мен чемпионман, у мусулмон — мен мусулмонман... Фақат шулар туфайли.
Унинг рингдан ташқарида қилган ишлари эса тенгсиздир. У чемпион бўлган вақтда, қисқа қилиб айтганда бошқа тоифадан эди. Америкада ўша вақтда бу тоифани қабул қилишмас эди. У ўзининг автобиографиясида бир воқеани ёзганди, унга ресторанда хизмат кўрсатишмайди ва у бокс бўйича олтин медалини улоқтиради.
У ўз тоифасига бўлган қарашларни ўзгартиргани — ўйлашимча, тенги йўқ иш. Бунга тенглашиш учун, ўша йилларга қайтишим ва қора танли бўлишим керак», — дейди Нурмагомедов.
Эслатиб ўтамиз, Ҳабиб 24 октябрь куни UFC 254 мусобақасида Жастин Гэтжига қарши жанг қилади.
Али профессионал боксдаги фаолияти мобайни 61 жангда қатнашиб, 56 марта ғалаба қозонганган (37 нокаут) ва беш марта мағлуб бўлган. Муҳаммад 2016-йининг 3 июнида 74 ёшида вафот этган.
Изоҳ (0)