Футбол бўйича Франция чемпионатининг қолдирилган 1-тури доирасида ПСЖ 16 сентябрь, чоршанба куни «Мец»га қарши баҳс олиб борди.
Дастлабки бўлимда парижликлар тотал устунликка эга бўлган бўлса-да, ҳисобни ўзгартира олмади. Учрашувнинг 65-дақиқасида ПСЖ ҳимоячиси Абду Диалло иккинчи сариқ карточкасини олиб майдонни тарк этди.
Барчаси дуранг томон кетаётган бир пайтда Юлиан Дракслер ҳакам томонидан қўшиб берилган дақиқаларда гол урган ҳолда Париж шаҳри жамоасининг ғалабасини таъминлади.
Шу тариқа ПСЖ Лига 1 жорий мавсумидаги илк ғалабасини қўлга киритди. Аввалроқ Томас Тухель шогирдлари кетма-кет икки мағлубиятни қабул қилиб олганди.
Лига 1
1-тур баҳси
16 сентябрь, чоршанба
ПСЖ — «Мец» 1:0
Гол: 1:0 – 90+3 Дракслер.ПСЖ: Навас, Абду Диалло, Баккер (Бернат, 63), Дагба, Маркиньос, Дракслер, Эррера, Ди Мария, Гуйе (Фадига, 84), Сарабия (Кимпембе, 69), Икарди.
«Мец»: Укижа, Бронн, Бое, Делен, Фофана, Пажо (Ангбан, 86), Булая (Мазиз, 82), Маига, Сантонз, Нян (Амброз, 82), Диалло (Нгетте, 73).
Огоҳлантиришлар: Диалло (1), Маига (46), Дракслер (56), Сантонз (61).
Четлатиш: Абду Диалло (65).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)