«Қўқон-1912» катта мураббийи Даврон Файзиев Coca-Cola Суперлига 15-тури доирасида «Металлург»га қарши кечган баҳсдаги мағлубиятдан (0:2) сўнг ўз фикрлари билан ўртоқлашди.
Мусобақа жадвалидаги иккита ёнма-ён турган жамоалар ўзаро тўқнаш келди. Биринчи бўлимда яхши ҳаракат қилдик. Иккинчи бўлимдаги тезкор гол режаларимизни бузиб юборди. Ҳимояда йўл қўйган қўпол хатоларимиз рақибнинг фойдасига ишлади. Кейинги турларда йўқотилган очколарни ўрнини тўлдиришга ҳаракат қиламиз деб ўйлайман. Иккинчи давранинг дастлабки турларини мағлубият билан бошлаш аламли, албатта. Йигитлар вазиятни тушуниб турибди. Биринчи даврадаги ўйинимизни, ғалабаларни қайтаришимиз керак.«Қўқон-1912» 15-турдан кейин 26 очко билан 6-ўринда бормоқда. Жамоа кейинги турда «Сўғдиёна» билан ўйнайди.Биринчи бўлимда вазиятлар яратдик, лекин улардан фойдалана олмадик. Иккинчи бўлимда эса рақиб хатоларимиздан унумли фойдаланишга ҳаракат қилди ва қайсидир маънода бунга эришди. Иккинчи бўлимда яққол голли вазият ярата олмадик. Биринчи бўлиб биз гол урганимизда бошқача бўларди.
Майдонга жавобгар шахслар бор, давлат имтиҳонлари ўтказилгани сабаб шунақа бўлиб қолди. Бу майдонда кеча машғулот ўтказдик. Майдон ҳолатини мағлубиятга баҳона сифатида рўкач қилиш нотўғри бўлади, чунки ҳар икки жамоа ҳам мана шу майдонда ҳаракат қилди. Давлат қабул қилган қарорга биз қарши чиқа олмаймиз. Бу баҳона бўла олмайди.
Марказлашган чемпионатда битта ҳужумчи билан ҳаракат қилдик, бунгача уйдаги барча учрашувларда иккита ҳужумчи билан ўйнаётган эдик. Ўйин қандай натижа билан тугашини олдиндан билмайсиз. Уйда кўпроқ ҳужумкор ўйнаймиз. Мағлубиятни тан олиш ҳам мардлик ҳисобланади. Футбол шундай ўйин кимдир ғалаба қозонади, кимдир ютқазади. Ҳали олдинда 11 та тур ўйинлари бор, ўйлайманки, йўқотилган очколарни ўз жойига қўйишга улгурамиз.
Даврон Файзиев, «Қўқон-1912» катта мураббийи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)