Футбол бўйича Coca-Cola Суперлига 15-туридан ўрин олган 16 сентябрь, чоршанба кунги баҳслар ўз якунига етди.
«Қўқон-1912» жамоаси ўз майдонида «Металлург»ни қабул қилди. Учрашувнинг биринчи бўлимда ҳисоб очилмади. Иккинчи бўлимда бекободликлар Аброр Тошқўзиев ва Шаҳзод Убайдуллаевнинг голлари эвазига натижани ўз томонига оғдирди.
Мазкур ғалабадан кейин «Металлург» очколарини 28 тага етказиб олди ва 5-ўринга кўтарилди. «Қўқон-1912» (26) эса 6-поғонага тушиб кетди.
Яна бир ўйин Муборакда «Машъал» ва «Бунёдкор» жамоалари ўртасида кечди. Учрашувнинг илк дақиқасидаёқ майдон эгалари дарвозабони жарима майдони ичида рақиб футболчисини қўполлик билан тўхтатиб қолди ва қизил карточка олиб, майдонни тарк этди.
Натижада белгиланган пенальтини Хуршид Ғиёсов аниқ амалга оширди. Бунга мезбонлар 30-дақиқада Сирожиддин Қўзиевнинг чиройли голи билан жавоб қайтарди.
Иккинчи бўлимда босимни оширган «қалдирғочлар» 69-дақиқага келиб иккинчи голини уришга муваффақ бўлди: Нурилло Тўхтасинов ўзининг аниқ зарбаси билан ғалаба тўпини киритди.
«Бунёдкор» 29 очко билан 4-ўринда бормоқда. «Машъал» (19) 8-ўринда қолди.
Coca-Cola Суперлига
15-тур баҳслари
16 сентябрь, чоршанба
«Қўқон-1912» — «Металлург» 0:2
Голлар: 0:1 – 48 Тошқўзиев, 0:2 – 75 Убайдуллаев.«Қўқон-1912»: Ботирали Эргашев, Бобиржон Акбаров, Шоҳназар Норбеков (Собит Синдаров, 89), Суҳроб Бердиев (Якуба Бамба, 81), Қувондиқ Рўзиев, Ойбек Рустамов, Муҳаммаданас Ҳасанов, Александр Мерзляков (Сардор Азимов, 81), Иван Ёсович, Филип Раевац (Ҳамидулло Абдуҳамидов, 55), Мурод Ҳолмуҳаммедов.
«Металлург»: Александр Лобанов, Аббос Отахонов, Дониёр Нарзуллаев, Саламат Қутибоев, Аброр Тошқўзиев (Тулқин Эргашев, 79), Зоҳид Абдуллаев (Шахбоз Убайдуллаев, 65), Камолиддин Тожиев, Ихтиёр Тошпўлатов, Станислав Андреев, Даврон Анваров (Худойшукур Сатторов, 65), Евгений Чумак.
Огоҳлантиришлар: Анваров (41), Тожиев (45), Холмуҳаммедов (49).
«Машъал» — «Бунёдкор» 1:2
Голлар: 0:1 – 5, пенальти Ғиёсов, 1:1 – 30 Қўзиев, 1:2 – 69 Тўхтасинов.«Машъал»: Раҳимжон Давронов, Нажмиддин Нормуродов, Ифеани Ифеани, Никита Павленко (Ботир Носиров), Шерзод Темиров (Жаҳонгир Абдусаломов), Жамолиддин Убайдуллоев, Аббос Шодмонов (Иброҳим Нў‘монов), Сардор Абдураимов, Сирожиддин Қўзиев, Самандар Шукуруллаев, Ҳумоюн Муртозаев (Сардорбек Эминов).
«Бунёдкор»: Абдумавлон Абдулжалилов, Исломжон Қобилов (Анвар Ғофуров, 63), Давронжон Эргашев (Иброҳим Ибрагимов ,46), Иброҳимҳалил Йўлдошев, Хуршид Ғиёсов, Расул Йўлдошев, Лутфулла Тўраев, Нурилло Тўхтасинов, Абдулла Абдуллаев, Валерий Акопов (Селим Нурмурадов, 46 ), Шаҳбоз Эркинов (Владислав Нуриев, 63).
Огоҳлантиришлар: Абдуллаев (16), Қобилов (61).
Четлатиш: Давронов (1).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)