Футбол бўйича Хитой Суперлигасининг 11-турида «Тяньцзинь Тэда» 16 сентябрь, чоршанба куни «Шицзячжуан Эвер Брайт»га қарши баҳс олиб борди.
Учрашувнинг 70-дақиқасида Фрэнк Ачимпонгнинг узатмасидан кейин Сандро Лима майдон эгаларини олдинга олиб чиқди. Бироқ орадан ўн дақиқа ўтиб меҳмонлар Чен Пунинг голидан кейин мувозанатни тиклади.
Ушбу баҳсда ўзбекистонлик ярим ҳимоячи Одил Аҳмедов «Тяньцзинь Тэда» клубидаги дебют ўйинини ўтказди. У асосий таркибда майдонга тушиб, 78-дақиқада захирага олинди.
Шу тариқа «Тяньцзинь Тэда» Суперлигадаги 8 ўйинлик мағлубиятли сериясига якун ясади. Жамоа 2020 йилги мавсумдаги иккинчи дурангни қайд этган ҳолда 2 очко билан сўнгги ўринда бормоқда.
Хитой Суперлигаси
11-тур баҳси
16 сентябрь, чоршанба
«Тяньцзинь Тэда» — «Шицзячжуан Эвер Брайт» 1:1
Голлар: 1:0 – 70 Сандро Лима, 1:1 – 81 Чен Пун.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)