Бутун дунё бўйича COVID-19 коронавирус инфекцияси билан касалланганлар сони 29 миллион кишидан ошди. Бу ҳақда Жонс Ҳопкинс университети томонидан маълум қилинди.
Университет маълумотларига кўра, бутун дунёда коронавирус инфекцияси билан касалланганлар сони 29 059 868 кишини ташкил қилмоқда. COVID-19 касаллиги оқибатида вафот этганларнинг сони эса 924 953 кишига етган. Дунё бўйича коронавирусга чалинганларнинг 19 652 377 нафари касалликдан тузалишга муваффақ бўлган.
Дунё мамлакатлари орасида коронавирус қайд этилган беморлар сони бўйича АҚШ етакчилик қилмоқда. Шу пайтга қадар АҚШда 6 526 143 кишига COVID-19 ташхиси қўйилган, 194 155 киши касаллик қурбонига айланган, 2 451 406 киши касалликдан тузалган.
Касалланганлар сони бўйича кейинги ўринларни Ҳиндистон, Бразилия ва Россия эгаллаб турибди.
Эслатиб ўтамиз, ўтган бир сутка ичида бутун дунёда коронавирус билан касалланганлар сони 307,9 минг кишига ошиб, коронавирус билан касалланишлар сони бўйича янги суткалик рекорд қайд этилганди.
Маълумот учун, дунёда коронавирусга чалинганлар сони 3 август куни 18 миллионга, 7 август куни 19 миллионга, 10 августда 20 миллионга етган, 15 август куни эса 21 миллиондан, 19 август куни эса 22 миллиондан ошганди. 22 августда бу кўрсаткич 23 миллионга етган. 27 августда 24 миллиондан, 30 августда эса бутун дунё бўйлаб коронавирус инфекцияси билан касалланганлар сони 25 миллион нафардан ошган. 11 сентябрь куни бутун дунёда коронавирус юқтириб олганлар сони 28 миллион кишидан ошди.
Изоҳ (0)