Ўтган бир сутка ичида бутун дунёда коронавирус билан касалланганлар сони 307,9 минг кишига ошди. Бу ҳақда Жаҳон соғлиқни сақлаш ташкилоти сайтида эълон қилинган маълумотларда келтирилган.
Бу COVID-19 билан касалланиш ҳолатларининг ўсишида кузатилган рекорд кўрсаткич ҳисобланади. Бундан олдинги максимум 6 сентябрь куни қайд этилганди: ўшанда бир кунда 304,6 минг кишида коронавирус аниқланган.
Бир сутка ичида касаллар сони энг кўп Ҳиндистонда қайд этилган — 94,3 минг. Унинг ортидан АҚШ (45,5 минг) ва Бразилия (43,7 минг) ўрин олган. Испанияда бир кунда яна 12,1 минг кишида, Аргентинада эса 11,5 минг COVID-19 аниқланган.
ЖССТ маълумотларга кўра, бутун дунёда коронавирус пандемияси бошланганидан буён касалликка чалинганлар сони 28,6 миллион кишига етган. Жонс Ҳопкинс университети маълумотларида эса ушбу кўрсаткич 28,8 миллион кишини ташкил этмоқда. Касалларнинг чорак қисми АҚШ ҳисобига тўғри келяпти — 6,5 миллион. Унинг ортидан Ҳиндистон (4,7 миллион) ва Бразилия (4,3 миллион) ўрин олган.
Изоҳ (0)