Василий Ломаченкодан Александр Повектингача. 2020 йилда ўтказилиши кутилаётган 10 та шов-шувли жанг ҳақида

Американинг ESPN спорт портали профессионал бокс мухлисларига 2020 йилда ўтказилиши кутилаётган энг қизиқарли жанглар ўнлигини тақдим этди.

Ундан Василий Ломаченко — Теофимо Лопес, Александр Поветкин — Диллиан Уайт жанглари сингари шов-шувли тўқнашувлар ўрин олди.

1. Василий Ломаченко Теофимо Лопесга қарши

WBA, WBO ва IBF камарлари учун енгил вазн тоифасидаги жанг, 17 октябрь, АҚШ

Бир хил миқдордаги профессионал жангларга қарамай (ҳар бири 15 тадан), Ломаченко ҳаваскор боксда талайгина жанглар ўтказган (396-1) ва икки карра Олимпиада олтин медалини қўлга киритган. Бунинг устига у эндигина илк камарини қўлга киритган 23 ёшли Лопесдан тўққиз ёшга катта. Бироқ ҳозирда айнан бир томоннинг фаворитлиги ҳақида тахмин қилиш мураккаб. Ёш ва ғайратли Лопес ҳам нималарга қодир эканлигини аллақачон исботлаб бўлган.

2. Жермалл Чарло Сергей Деревянченкога қарши

Ўрта вазн тоифасида WBC чемпионлиги учун жанг, 26 сентябрь, АҚШ

Ўтган йилги Деревянченконинг Геннадий Головкинга қарши жангида иккала боксчи ҳам бир-бирига жиддий зарар етказганди ва катта эҳтимол уларнинг иккаласи ҳам аввалгидек бўлмаслиги мумкин. Деревянченко Головкиннинг оғир зарбаларига дош берганди, бироқ мухлислар унинг Чарло томонидан бериладиган тезкор зарбаларга дош бера оладими деган саволга жавоб кутмоқда. Агар Деревянченконинг зарбаларга бўлган бардоши ҳамон ўзгармаган бўлса, чарм қўлқоп ихлосмандларини яна бир унутилмас жанг кутиб турибди.

3. Жермелл Чарло Жейсон Росариога қарши

Биринчи ўрта вазн тоифасида WBA, WBA ва IBF камарлари учун жанг, 26 сентябрь, АҚШ

Чарло ўтган йилнинг декабрь ойида Тони Ҳаррисонни ўн биринчи раундда нокаут билан мағлубиятга учратган эди, аммо Ҳаррисоннинг услубига зид бўлишига қарамай, у яқин масофада жуда муваффақиятли жанг ўтказгани кутилмаган ҳолат эди. Жулиан Уильямсга қарши жангда Росарио ўзини жисмонан кучли, яқин масофадан қулай боксчи сифатида намойиш этди. Аммо ўшанда унинг шунчаки омади келиб қолмаганини исботлаш учун Чарлога қарши жангда ажойиб имкониятга эга.

4. Райан Гарсия Люк Кемпбеллга қарши

Енгил вазн тоифасида вақтинчалик WBC камари учун жанг, жанг санаси ҳали аниқ эмас

Ҳаммаси оддий — Гарсия тайёрми? Мазкур жанг унинг Франциско Фонсека ва Ромеро Дунога (иккаласини ҳам биринчи раундда нокаутга учратган) қарши ҳайратланарли беллашувларидан фарқ қилади, боиси Кемпбелл Гарсиянинг машҳурлигига маҳлиё бўлиб турадиган чакана рақиб эмас. Агар Кемпбелл ўзининг ўнг «жеб» зарбаларини масофадан туриб ишга солса ва Гарсиянинг хавфли чап «хук»ларидан сақланса. Райан қандай йўл тутаркан?

5. Эррол Спенс Дэнни Гарсияга қарши

Ярим ўрта вазн тоифасида WBC ва IBF камарлари учун жанг, 21 ноябрь, АҚШ

Автоҳалокатдан сўнг кўпчиликка Спенснинг ҳозирги аҳволи қандайлиги қизиқ. Унинг мураббийи шогирдининг машғулотларда ажойиб ҳаракат қилаётгани ҳақида ҳақида гапирмоқда (мураббийдан яна қандай гапни кутиш мумкин). Аммо уни Гарсиянинг ўта оғир зарбалари (айниқса чап томондан бериладиган) кутиб турибди. Аксарият мутахассислар автоҳалокатдан сўнг унда ҳеч қандай асоратлар қолмаганига шубҳа қилмоқда. Буни ўзи рингга чиқиб исботламас экан, бу каби тахминлар давом этаверади.

6. Даниэль Дюбуа Жоу Жойсга қарши

Икки истиқболли боксчи ўртасидаги супер оғир вазн тоифасидаги жанг, 24 октябрь, Буюк Британия

Албатта, бу ерда Дюбуанинг имкониятлари юқорироқ кўринмоқда. Жойс тимсолида у ҳозиргача бўлган фаолиятидаги энг муносиб бўлган биринчи рақибини кўрмоқда. Дюбуа эпчилроқ боксчи бўлиб, жанг бошида Жойсдан устун тура олади. Аммо агар Жойс бунга дош бериб, Дюбуани охирги раундларда янчиб ташласа нима бўлади? Дюбуа фақат учта жангда бешинчи раундгача етиб борган ва фақат битта жанги 10 раунд давом этган.

7. Жервонта Дэвис Лео Санта Крусга қарши

Биринчи енгил ва енгил вазн тоифасида соврин учун жанг, 24 октябрь, АҚШ

Дэвис ғалаба қозона оладими? Бу муҳим жиҳат. WBA ушбу жангни бирданига иккита вазн тоифасида титул жанги сифатида санкция қилди. Агар Дэвис биринчи енгил вазнда мағлуб бўлса, бу уни суғурталаши мумкин. Бу жуда муҳим жиҳат бўлиб, боиси Санта Крус биринчи енгил вазнда битта жанг ўтказган ва унда унчалик яхши ижобий таассурот қолдирмаган.

8. Наоя Иноуэ Жейсон Молоунига қарши

Ўта енгил вазнда WBA ва IBF камарлари учун жанг, 31 октябрь, АҚШ

Иноуэга танаффус таъсир қилармикан? У ўтган йилнинг ноябридан бери бокс тушмаяпти. Молоуни эса охирги марта июнь ойида жанг қилганди ва муддатдан олдин ғалаба қозонганди. Молоуни агар чемпион ёмон (Иноуэ) кун ўтказадиган бўлса, унга жиддий муаммолар туғдириш учун етарлича кучли боксчи.

9. Александр Поветкин Диллиан Уайтга қарши

Супер оғир вазн тоифасида WBC вақтинчалик камари учун жанг, жанг санаси номаълум

Уайтнинг Поветкиндан аламини олиш учун рингга қайтишни сабрсизлик билан кутаётгани табиий, аммо буни биринчи жангдаги вазиятни инобатга олган ҳолда шу қадар тез бажариш мақсадга мувофиқми? У нафақат шунчаки ютқазди, балки анчагина оғир нокаутга учради. Бундай вазиятда ҳар қандай кучли боксчи ҳам дарҳол иккинчи жангни ўтказишга қарор қилмаган бўларди. Бироқ WBC рейтингидаги биринчи ўринни тезда қайтариб олиш истаги бу қарорга изоҳ бўлиши мумкин.

10. Мигел Берчелт Оскар Вальдесга қарши

Биринчи енгил вазн тоифасида WBC камари жанг, жанг санаси номаълум

Вальдес Менни Роблесни мағлубиятга учратганига қарамай, Эдди Рейносо мураббий сифатида Вальдесга муносибми ёки йўқ деган саволга жавоб бўлади. Вальдес ва Рейносо биргаликда тўртта жанг ўтказган ва бунда уларнинг иши борасида фикрлар турлича. Айнан ушбу жанг Вальдес —Рейносо тандемига ҳақиқий имтиҳон бўлади. Уларнинг бир йиллик иши натижаси ушбу жанг орқали баҳоланади.

Юқоридаги барча боксчилар ижросидаги жангларни бу ерда томоша қилиш мумкин — ҲАВОЛА.