Аргентина терма жамоаси собиқ футболчиси Эрнан Креспо Лионель Мессининг «Барселона»дан кетишга уриниши борасидаги воқеаларга ўз муносабатини билдирди.
Муаммо шундаки, Хорхе Мессига ҳурматни сақлаган ҳолда айтиш керак, бундай ҳолатларда ёнингда профессионал бўлиши керак.Эслатиб ўтамиз, Месси август ойида «Барселона» билан амалдаги шартномасини бекор қилмоқчи бўлганди. Бироқ каталон клуби шартномадаги мазкур банднинг муддати ўтганини ва ўйинчини текинга қўйиб юбормаслигини маълум қилди. Кейинроқ Месси жамоа билан судлашиш нияти йўқлиги сабаб яна бир мавсум «Барселона»да қолишини маълум қилди.Профессионал агент билан гаплашиш, ота билан суҳбат қуришдан фарқ қилади. Агент ўйинчининг оилавий ва бошқа муаммоларига эътибор қилмайди. Бундай вазиятларда ўз ишининг усталари керак.
Ҳозирда мен гапираётган вазият анча аввал бошланган. Айрим саволларни вазият ўз чегарасига етиб келгунга қадар ҳал қилиш керак эди, ҳозир эмас. Мен Хорхе Мессининг ишларини қораламоқчи эмасман, аммо буни аввалроқ бир ёқлик қилиш керак эди.
У шартномани муҳокама қилиш учун неча марта музокара ўтказганини билмайман. Леонинг «Барселона» билан амалдаги келишувини узайтириш оддий нарса, бунда катта тажриба керак эмас. Муаммо мана шунга ўхшаш ҳолатларда кузатилади.
Эрнан Креспо, собиқ футболчи
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)