Мексикалик боксчи Сауль Альварес (Канело) промоутери Оскар де ла Ҳоя ва DAZN компаниясини битим шартларини бузганлиги учун судга бериб, камида 280 миллион доллар компенсация ундирмоқчи.
2018 йилда Альварес DAZNда 11 та жанг ўтказиш учун 365 миллион долларлик шартнома имзолаган. BBC хабарига кўра, Альварес ўз даъвосида DAZN ва Де ла Ҳоянинг Golden Boye компанияси Альварес ва бокс мухлисларига берган ваъдасини бажармаганини айтмоқда. Шартномага кўра, DAZN Golden Boy компаниясига ҳар бир жанг учун 40 миллион доллар тўлашни ваъда қилган, маблағнинг 35 миллиони эса жангчига тегиши керак эди. 11 та жангнинг учтаси ўтказилган, аммо тўртинчиси бўйича келишувга эришилмаган. 30 ёшли Альвареснинг таъкидлашича, DAZN’дагилар кейинги жанг учун Golden Boy’га 40 миллион евро тўлашдан бош тортган.
DAZN эса Альвареснинг 2019 йилда Геннадий Головкин билан жанг қилмаганини сабаб қилиб кўрсатиб, ўзини оқламоқда. Сауль бунга жавобан битим шартларига кўра, стриминг компанияси рақиблар танланишига таъсир ўтказа олмаслигини билдирган.
Мен вазн тоифасидан қатъи назар дунёнинг энг яхши боксчисиман. Рингдаги рақиблардан қўрқмайман ва промоутерларнинг хатолари мени рингдан четлатишига йўл қўймайман. Боксга қайтиш ва мухлисларим муносиб бўлган шоуни намойиш этиш учун судга мурожаат қилдим.Алварез 2019 йилнинг ноябрь ойида бўлиб ўтган сўнгги жангида WBO йўналиши бўйича ярим оғир вазн тоифасида жаҳон чемпионлиги учун курашда Сергей Ковалёвни мағлубиятга учратганди.Сауль Альварес (Канело), боксчи
Альварес — тўрт вазн тоифасида чемпион бўлган биринчи боксчи ҳисобланади. Енгил вазндан ташқари, Сауль биринчи ўрта, ўрта ва иккинчи ўрта вазнларда ҳам чемпионлик камарларини қўлга киритган.
Изоҳ (0)