Ўтган дам олиш кунлари Париж яқинида ижарага олинган Audi R8 ҳайдовчиси оммавий йўл-транспорт ҳодисасини юзага келтирди. У автотураргоҳдаги 13 та машина билан тўқнашиб, R8’ни иккига бўлиб юборган — автомобиль двигатели бир неча метрга учиб кетган. Авария оқибатида ҳеч кимга жароҳат етмаган, ҳатто суперкар ҳайдовчисига ҳам, деб хабар беради Motor.
Гувоҳлар содир бўлган ЙТҲ оқибатларини тасвирга олган. Автотураргоҳдаги машиналарнинг аксариятининг орқа ва чап ён томонига шикаст етган. 500 от кучли В10 моторига эга Audi R8 суперкардан бир неча метр нарига учиб кетган, унинг парчалари эса ўтиш қисми бўйлаб сочилиб ётибди.
Rodéo de voiture à Nanterre cette nuit . De lourds dégâts . pic.twitter.com/zhWdmBRyDL
— Mason⭐️⭐️ (@Mason2901) September 6, 2020
Le Parisien маълумотларига кўра, ҳаворанг R8 маҳаллий ижара компаниясига тегишли бўлиб, у тўй маросими учун бир эркакка ижарага берилган. Аварияни юзага келтирган ҳайдовчи воқеа жойидан қочиб кетган, полиция ҳамон уни қидириш билан шуғулланмоқда. Гувоҳларнинг сўзларига кўра, эркак машина ичида дўсти билан бирга бўлган, бироқ бу ҳозирча расман тасдиқлангани йўқ.
Аввалроқ дунёдаги энг йирик ижара автомобиллар сервисларидан бири банкротлигини эълон қилгани тўғрисида хабар берилганди.
Изоҳ (0)