Фарғона вилоятининг Фарғона туманида Nexia ҳайдовчиси велосипед бошқариб кетаётган 57 ёшли фуқарони уриб юборди. Бу ҳақда «Дарё»га вилоят ИИБ ахборот хизмати маълум қилди.
Қайд этилишича, 2020 йил 5 сентябрь куни 24 ёшли фуқаро М.Т. бошқарувидаги Nexia-3 автомашинасини «Чекшўра» МФЙ ҳудудида бошқариб кетаётиб, йўлнинг қатнов қисмини велосипедда кесиб ўтаётган фуқаро П.В.ни уриб юборган. Оқибатда жабрланувчи тан жароҳати олиб, ҳодиса жойида вафот этган.
Мазкур ҳолат юзасидан Фарғона тумани ИИБ ҳузуридаги тергов бўлинмаси томонидан Жиноят кодексининг 266-моддаси 2-қисми (одамлар ўлимига сабаб бўлган, транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, ҳозирда тергов ҳаракатлари олиб борилмоқда.
Эслатиб ўтамиз, аввалроқ Наманганда Nexia ҳайдовчиси 66 ёшли пиёдани уриб юбориши оқибатида, жабрланувчи шифохонада вафот этгани хабар берилганди. Сурхондарё вилоятининг Денов туманида эса 20 ёшли ҳайдовчи Nexia автомобилида маҳаллий ички йўлда тезликни меъёридан ошириши оқибатида бошқарувни йўқотиб, йўл четидаги ариққа тушиб кетган. Натижада Nexia йўловчиси оғир тан жароҳатлари олиб, шифохонада вафот этганди.
Мавзуга доир:
- Зангиотада 11 ёшли боланинг «ЗИЛ» уриб кетиши оқибатида ҳалок бўлгани юзасидан расмий маълумот берилди
- Жиззахда 2 та Lacetti ҳамда KIA юк машинаси иштирокида ЙТҲ содир бўлди. Воқеа жойида икки кишининг вафот этгани айтилмоқда
- Фарғонада юк машина ҳайдовчиси 6 ёшли қизни уриб юборди. Қиз шифохонада вафот этди
Изоҳ (0)