Meksikalik bokschi Saul Alvares (Kanelo) promouteri Oskar de la Hoya va DAZN kompaniyasini bitim shartlarini buzganligi uchun sudga berib, kamida 280 million dollar kompensatsiya undirmoqchi.
2018-yilda Alvares DAZNda 11 ta jang o‘tkazish uchun 365 million dollarlik shartnoma imzolagan. BBC xabariga ko‘ra, Alvares o‘z da’vosida DAZN va De la Hoyaning Golden Boy kompaniyasi Alvares va boks muxlislariga bergan va’dasini bajarmaganini aytmoqda. Shartnomaga ko‘ra, DAZN Golden Boy kompaniyasiga har bir jang uchun 40 million dollar to‘lashni va’da qilgan, mablag‘ning 35 millioni esa jangchiga tegishi kerak edi. 11 ta jangning uchtasi o‘tkazilgan, ammo to‘rtinchisi bo‘yicha kelishuvga erishilmagan. 30 yoshli Alvaresning ta’kidlashicha, DAZN’dagilar keyingi jang uchun Golden Boy’ga 40 million yevro to‘lashdan bosh tortgan.
DAZN esa Alvaresning 2019-yilda Gennadiy Golovkin bilan jang qilmaganini sabab qilib ko‘rsatib, o‘zini oqlamoqda. Saul bunga javoban bitim shartlariga ko‘ra, striming kompaniyasi raqiblar tanlanishiga ta’sir o‘tkaza olmasligini bildirgan.
Men vazn toifasidan qat’i nazar dunyoning eng yaxshi bokschisiman. Ringdagi raqiblardan qo‘rqmayman va promouterlarning xatolari meni ringdan chetlatishiga yo‘l qo‘ymayman. Boksga qaytish va muxlislarim munosib bo‘lgan shouni namoyish etish uchun sudga murojaat qildim.Alvarez 2019-yilning noyabr oyida bo‘lib o‘tgan so‘nggi jangida WBO yo‘nalishi bo‘yicha yarim og‘ir vazn toifasida jahon chempionligi uchun kurashda Sergey Kovalyovni mag‘lubiyatga uchratgandi.Saul Alvares (Kanelo), bokschi
Alvares — to‘rt vazn toifasida chempion bo‘lgan birinchi bokschi hisoblanadi. Yengil vazndan tashqari, Saul birinchi o‘rta, o‘rta va ikkinchi o‘rta vaznlarda ham chempionlik kamarlarini qo‘lga kiritgan.
Izoh (0)