Наманганда Epica тез тиббий ёрдам машинасини билан тўқнашди. Бу ҳақда «Дарё» мухбири Азизбек Абдувалиев хабар бермоқда.
Ҳодиса жорий йил 1 сентябрь куни соат 07:30 атрофида Наманган—Уйчи—Учқўрғон йўлининг 23-километрида, Кесканёр маҳалласи ҳудудида рўй берди. Уйчи туманида яшовчи 24 яшар фуқаро Epica автомобилини бошқариб бораётиб ҳаракат хавфсизлигини таъминлай олмай, ўзидан олдинда кетаётган Уйчи туман тез тиббий ёрдам бўлимига қарашли Damas русумли автомашинанинг орқа томонига бориб урилган.
Вилоят ИИБ ахборот хизматига кўра, ЙТҲ оқибатида Damas салонида бўлган ҳамширанинг қовурғаси синиб, шифохонага ётқизилган. Мазкур ҳолат бўйича туман ИИБ ҳузуридаги тергов бўлими томонидан жиноят иши қўзғатилди.
Эслатиб ўтамиз, олдинроқ Наманганда Cobalt ва тез ёрдам машинаси тўқнашган, ҳодиса оқибатида бир киши ҳалок бўлганди.
Изоҳ (0)