Атлантика океани орқали етти минг донагача машинани ташишга қодир улкан елканли кема лойиҳаси тўғрисида батафсил маълумотлар пайдо бўлди. Шу билан бирга, унда атмосферага чиқариладиган зарарли газлар минимумга етказилган — ушбу кўрсаткич шу турдаги оддий «автовоз»лардан 90 фоизга кам, деб хабар беради Motor.
Oceanbird номини олган елканли кемани яратишда Стокгольмдаги KTH қироллик технологиялар институти, SSPA денгиз консультация компанияси ва Wallenius Marines кемасозлик компанияси иштирок этган. Кема узунлиги 200 метрга, эни 40 метрга, баландлиги эса 100 метрга етади, уларнинг 80 метри — елкан.
Oceanbird, шунингдек, кутилмаган вазиятларда керак бўладиган двигателлер билан жиҳозланган. Бироқ асосий энергия манбайи— шамол. Режага кўра, кема 2024 йилда сувга туширилиши керак.
Oceanbird’нинг автомобиль ташиш билан шуғулланадиган бошқа кемаларга қараганда бир қатор камчиликлари бор. Масалан, елканли кема Атлантикани кесиб ўтишга бир ҳафта эмас, 12 кун сарфлайди. Бундан ташқари, Oceanbird ҳажми билан ҳам бироз кичкина, масалан, Норвегиянинг Hoehj Target кемаси 8,5 минг автомобилни ташишга қодир бўлса, елканли кема—6-7 минг.
Аввалроқ АҚШдаги порт яқинида ағдарилиб кетган кема ичидаги 4 мингдан ортиқ Hyundai ва Kia автомобиллари билан бирга арраланиши тўғрисида хабар берилганди.
Мавзуга доир: Фото: Кема-қамоқхона лойиҳаси
Изоҳ (0)