Россияда оммавий эмлаш туфайли коронавирус пандемияси 2021 йилнинг ёзига бориб тугаши мумкин. «Известия»нинг хабар беришича, бу ҳақда COVID-19’га қарши вакцина ишлаб чиқарган Гамалея номидаги марказ раҳбари Александр Гринцбург маълум қилди.
Гринцбургнинг айтишича, давлат йилига 80 миллион доза «Спутник V» вакцинасини ишлаб чиқариш учун бор имкониятларини ишга солса, шундай натижага эришиш мумкин.
Унинг сўзларига кўра, марказ томонидан ойига 600-700 минг доза, Binnofarm, R-Farm ва Generium компаниялари билан биргаликда эса тахминан 5 миллион доза вакцина ишлаб чиқаришни режалаштирилмоқда.
Шунингдек, унинг қўшимча қилишича, фуқаролар эмланмагунга қадар Россияда COVID-19’га қарши кураш ва йўқотишлар давом этаверади.
Эслатиб ўтамиз, Россиянинг Гамалея институти томонидан яратилган ва «Спутник V» деб ном олган коронавирусга қарши икки компонентли вакцина 11 август куни вақтинчалик рўйхатдан ўтиш гувоҳномасини олди. Вакцина тўлиқ самарадорлик тадқиқотини ўтказиш шарти билан рўйхатдан ўтказилган ва гувоҳнома 2021 йил 1 январга қадар амал қилади.
Ушбу вакцина синовининг 3-босқичини 2022 йил охирларига бориб якунланиши маълум қилинган. 3-босқичида иштирок этадиган ўн минглаб кўнгиллилар барча зарур муолажаларни амбулатория шароитида ўтайди.
Изоҳ (0)