Moskva meri Sergey Sobyanin yaqin olti oy ichida koronavirusni butunlay yengish mumkinligiga ishonch bildirdi. Bu haqda “Interfaks” xabar bermoqda.

Foto: EPA

“Isonchim komilki, bir necha oy ichida, ehtimol uzog‘i bilan olti oyda biz koronavirusni butunlay yengamiz. Bu borada rossiyalik olimlar, dunyo olimlari, Moskva olimlari ish olib bormoqda”, — degan u shahar pedagogik kengashida.

Sobyanin koronavirusga qarshi Rossiyaning birinchi vaksinasi ro‘yxatdan o‘tganini ta’kidlab, yaqin orada uning muqobillari paydo bo‘lishiga ishonch bildirgan.

JSST rahbari Tedros Gebreyesus esa 20-avgust kuni insoniyat koronavirusni kamida 2 yil muddatda yengishga qodir, degan fikrni bildirgandi. Avvalroq, 11-avgustda JSST rahbari koronavirusga qarshi kurashda “umid uchqunlari” paydo bo‘lganini ma’lum qilgan, 19-avgust kuni esa Tedros Gebreyesus dunyo mamlakatlarini koronavirusga qarshi vaksinani dunyo bo‘ylab teng tarqatishga chaqirgandi.