Бутун дунёда коронавирус инфекцияси билан касалланганлар сони 27 миллион кишидан ошди. Бу ҳақда касаллик тарқалишини реал вақтда кузатиб бораётган Жонс Ҳопкинс университети маълумотларида келтирилган.
Тўрт кун ичида COVID-19 билан касалланганлар сони 1 миллион кишига кўпайган: 26 миллионлик кўрсаткич 3 сентябрь куни қайд этилганди.
Эслатиб ўтамиз, дунёда коронавирусга чалинганлар сони 3 август куни 18 миллионга, 7 август куни 19 миллионга, 10 августда 20 миллионга етган, 15 август куни эса 21 миллиондан, 19 август куни эса 22 миллиондан ошганди. 22 августда бу кўрсаткич 23 миллионга етган. 27 августда 24 миллиондан, 30 августда эса бутун дунё бўйлаб коронавирус инфекцияси билан касалланганлар сони 25 миллион нафардан ошган.
Касалланиш бўйича энг кўп ҳолатлар АҚШда қайд этилган — 6,2 миллион. Унинг ортида Бразилия ва Ҳиндистон ўрин олган бўлиб, иккала мамлакатда ҳам касаллар сони 4,1 миллионга етган. Россия эса 1 миллиондан ортиқ касал билан тўртинчи поғонада кетмоқда.
COVID-19 билан энг кўп касалланиш ҳолатлари қайд этилган давлатлар ўнталигидан қуйидаги мамлакатлар ҳам ўрин олган:
- Перу — 683 минг;
- Колумбия — 658 минг;
- ЖАР — 638 минг;
- Мексика — 634 минг;
- Испания — 498,9 минг;
- Аргентина — 478,7 минг.
Изоҳ (0)