Skoda компанияси ўзининг биринчи электрокроссовери — Enyaq’ни тақдим этди. Модель ҳақидаги маълумотлар Чехия компаниясининг расмий сайтида пайдо бўлган.
Кроссовернинг асосини MEB платформаси ташкил этади, серияли автомобиль эса худди шу номдаги концептга қараганда сезиларли ўзгарган.
Enyaq кроссоверлар учун анъанавий бўлган кузовда чиқади, купесимон варианти эса бозорда кейинроқ пайдо бўлади. Автомобиль ёруғлик диодли оптика, матрицали фараларга эга бўлади, сохта радиатор панжараси учун мўлжалланган «подвеска» қўшимча опциялар рўйхатидан ўрин олган.
Кроссовер ғилдираклар базаси 2765 миллиметрни, юкхонаси сиғими эса — 585 литрни ташкил этади.
Салонда мултимедиа тизимининг 13 дюймли сенсор экрани жойлашади. Шунингдек, янги модель проекцион дисплей, автоматик тарзда автотураргоҳга жойлашиш функцияси ва Travel Assist ёрдамчисига эга бўлади.
Skoda Enyaq’нинг базавий версиясига 55 киловатт/соатли батарея ва 148 кучли электромотор ўрнатилади. Бир марта қувватланиш орқали машина 340 километр йўлни босиб ўтишга қодир. Модель соатига 100 километр тезликка 11,7 сонияда эришади.
Enyaq RS iV топ моделига эса 306 от кучили, бир марта қувватланиш орқали 460 километр йўл юра оладиган мотор ўрнатилади ва у 100 км/соат тезликка 6,2 сонияда эришади.
Чехияда базавий Skoda Enyaq’ни харид қилиш учун 40,4 минг евро тўлашга тўғри келади. Электрокроссовер учун олдиндан буюртмаларни қабул қилиш бошланган, етказиб бериш ишлари эса 2021 йилда амалга оширилади.
Изоҳ (0)