Интернетда Hyundai Ioniq 5 серияли электрокроссовери прототипининг янги суратлари пайдо бўлди. The Korean Car Blog томонидан эълон қилинган суратларда янги модель ташқи ойналар ўрнига камераларга эга бўлиши тасвирланган. Ҳозирда бу каби технологиядан Audi e-tron’да фойдаланилмоқда, деб хабар беради Motor.
Аввалроқ Hyundai Motor концерни электромобиллари ўзининг шахсий бренди — Ioniq номи остида сотилиши ва 5 индексли модель линейкадаги илк машинага айланиши маълум бўлганди. Янги модель купесимон кроссовер бўлиб, сиғими ва анъанавий ён ойналари билан муқобил синфдаги автомобилларни ортда қолдиради.
Ўлчами жиҳатидан Ioniq 5 Hyundai Santa Fe’дан катта: электромобиль узунлиги 4635 миллиметрни, эни 1890 миллиметрни, баландлиги эса 1605 миллиметрни ташкил этади, ғилдираклар базаси 3000 миллиметр бўлиб, ҳатто йирик Palisade кроссовериникидан ҳам катта.
Модель учун иккита модификация тасдиқланган: биринчиси 58 киловатт/соат батареяга, иккинчиси эса 73 киловатт/соат батареяга эга бўлади. Шундай қилиб, Ioniq 5 узоқ масофага ҳаракатланиш бўйича Hyundai Kona EV’ни ортда қолдиради (400 километрга яқин). Аккумуляторнинг 80 фоизини 15 дақиқада қувватлантириш мумкин.
Ioniq 5’ни Европага етказиб бериш 2021 йилнинг январидан бошланади, маҳаллий бозорларда мартдан сотувга чиқади, ёзга бориб эса уни АҚШда ҳам харид қилиш мумкин бўлади.
Аввалроқ Жанубий Кореянинг Hyundai компанияси County Electric номли илк электро миниавтобусни тақдим этган эди.
Изоҳ (0)