Космосдан олинган суратлар Австралияда 2019 йилда юз берган ўрмон ёнғинлари оқибатларини акс эттирган, дея хабар бермоқда Sciencealert.
Австралиянинг Geospatial Intelligence аэрофототаҳлил компанияси Янги Жанубий Уэльс штати ҳукумати билан ҳамкорликда ёнғинлардан олдинги ва кейинги ҳолатни кўрсатувчи лойиҳани амалга оширди.
Австралияда 2019 йилнинг ёзида бошланган ўрмон ёнғинлари 186 минг квадрат километр майдонни эгаллаган ҳамда 34 кишининг ва миллиардлаб ҳайвонларнинг умрига зомин бўлган.
Суратларда кенг яшил ҳудудлар ҳозир чўл қиёфасини олганини кўриш мумкин. Компания томонидан маълум қилинишича, суратлар расмийларга ландшафт, ўсимлик дунёси ва инфратузилма ҳақида муҳим маълумотларни беради.
Компания вакилларининг сўзларига кўра, суратлар жуда аниқ бўлиб, бир пикселда бир ярим квадрат метр майдонни акс эттиради. Суратлар кейинги ёнғинларга қарши курашда муҳим аҳамият касб этади ва ёнғин хавфи ортган мавсумда масъул органларга ёрдам беради.
Изоҳ (0)