Италия собиқ бош вазири Сильвио Берлусконининг коронавирусни аниқлаш учун топширган тести унда вирус борлигини кўрсатди. Бу ҳақда унинг шахсий шифокори Альберто Дзангрилло маълум қилди, деб ёзмоқда «РИА Новости».
Шифокорнинг сўзларига кўра, Берлусконининг касаллиги белгиларсиз ўтмоқда, сиёсатчи эса уйида ўзини изоляция қилмоқда.
Таъкидланишича, «Олға, Италия» партияси етакчиси Сардинияга сафаридан қайтгач, тест топширган.
Берлусконининг матбуот хизмати томонидан маълум қилинишича, у ўз резиденциясида ишини давом эттирмоқда ва белгиланган карантин муддатини ўтамоқда.
«Ҳар қандай ҳолатда ҳам у ‘Олға, Италия’ ва бошқа ўнг марказчи партиялардан ҳудудий ва маъмурий сайловларда номзод бўладиганларни қўллаб-қувватлашда давом этади», — дейилади баёнотда.
«Олға, Италия» партиясидаги манба 25 август куни Берлускони коронавирусни аниқлаш бўйича икки марта шошилинч тест топширгани ва уларнинг натижалари манфий бўлгани ҳақида маълум қилган. Берлусконининг бундай қарорга келишига COVID-19 билан касалланган бошқа бир италиялик бизнесмен, Formula-1 жамоасининг собиқ менежери, 70 ёшли Флавио Бриаторенинг шошилинч равишда касалхонага ётқизилгани сабаб бўлган. Ўшанда Берлускони дўсти, миллий парламент депутати Марта Фашина билан Сардиниядаги дам олишдан қайтган. Собиқ бош вазир 12 август куни Бриаторе билан ўзининг Сардиниядаги зумрад қирғоқда жойлашган вилласида учрашган.
Изоҳ (0)