Футбол бўйича Про-Лиганинг 3-туридан ўрин олган «Динамо» ва «Хоразм» жамоалари ўртасидаги қолдирилган учрашув 30 август, якшанба куни ўтказилди.
Учрашувнинг биринчи бўлими ўртача темпда ўтди ва майдонда тенг кураш кечди. Иккинчи бўлим дебютида майдон эгалари Ойбек Нурматовнинг пенальтидан урган голидан кейин олдинга ўтиб олди.
55-дақиқада Равшан Султонов мувозанатни тиклашга эришди. Бироқ орадан беш дақиқа ўтиб Андрей Сидоров самарқандликларнинг иккинчи голини урди. 83-дақиқада Комил Шарофутдинов якуний ҳисобни ўрнатди — 3:1.
Мавзуга доир: Про-Лига ўйинлари Ўзбекистон бўйича жонли эфирга узатилишни бошлади (фото)
Шу тариқа «Динамо» мавсумдаги илк ғалабасини қўлга киритди. Дастлабки икки турда жамоа мағлубиятга учраганди.
Про-Лига
3-тур баҳси
30 август, якшанба
«Динамо» — «Хоразм» 3:1
Голлар: 1:0 – 48, пенальти Нурматов, 1:1 – 55 Султонов, 2:1 – 60 Сидоров, 3:1 – 83 Шарофутдинов.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)