Lister Motor Company Буюк Британиядаги энг тезкор ва кучли ҳисобланаётган Lister Stealth’ни намойиш этди. У чуқур модернизацияга учраган Jaguar F-Pace SVR ҳисобланади, деб хабар беради CARakoom.
F-Pace SVR Буюк Британиянинг энг тезкор кроссоверига айланиши учун унга 5,0 литрли V8 двигатели ўрнатилган. У 666 от кучи ва 881 Нм айланувчи моментни тақдим этишга қодир — бу стандарт моделдан 22 фоизга кўп демак.
Lister Motor Company мутахассислари дастлаб двигатель ичидаги ҳарорат режимини оптимизация қилиш учун янги интеркуллер ва ҳаво филтри ўрнатган. Цилиндрларга ҳаво кўпроқ кириши учун узатма тасмасини ҳаракатга келтирувчи ғилдираклар ўзгартирилган. Якуний босқичда кроссовер фирманинг двигателни бошқариш блокига эга бўлган.
Модель соатига 100 километр тезликка 3,6 сонияда эришади, максимал тезлиги эса 313 км/соатга тенг. Бу каби кўрсаткичлар уни нафақат энг тезкор, балки бугунги кундаги энг кучли кроссоверга айлантиради.
Stealth ташқи кўриниши билан ҳам қатор янгиликларга учраган. Карбонли янги олд бампер икки баробар каттароқ ҳаво ҳайдагичга эга бўлган, олд сплиттер эса тезлик вақтида кўпроқ босувчи кучни юзага келтиради.
Бундан ташқари, моделга 23 дюймли Vossen дискалари ўрнатилган, салони Nappa табиий чарми билан қопланган. Мижозларга 36 рангдаги салон қопламалари тақдим этилади.
Lister Stealth кроссоверларидан жами 100 нусха яратишни режалаштирмоқда. Унинг нархи 109 950 фунт стерлингдан бошланади.
Изоҳ (0)