Бир неча ойдан буён Hyundai Palisade эгалари оммавий равишда салондаги ёқимсиз ҳиддан шикоят қилмоқда — уни чириган маҳсулот ва эски пайпоқ ҳидининг аралашмаси дея таърифлашмоқда. Компания ушбу муаммодан хабардор эканлиги, бироқ ҳалигача унинг манбасини аниқлай олмаётганини маълум қилган, деб хабар беради Motor.
Маълумотларга кўра, Hyundai ҳозирда текширув ўтказиб, ечим қидирмоқда, шундан сўнг дилерларга мавжуд муаммони бартараф этиш бўйича кўрсатмалар берилади. Версиялардан бирига кўра, ёқимсиз ҳид ўриндиқлар қопламаси сабаб юзага келаётган бўлиши мумкин, чунки шикоятларнинг аксарияти Nappa ёрқин чарми билан қопланган салон эгаларидан тушмоқда.
Cаrs нашрининг тахминича, бу каби ёқимсиз ҳид манбаси ўриндиқлар орқаси ёки ундаги бош қўйгичлар. Журналистлар тажриба ўтказган: улар ўриндиқ устидаги бош қўйгични олиб ташлаган, бироқ ёқимсиз ҳид йўқолмаган. Ўриндиқларни сода ёрдамида яхшилаб тозалаш ҳам ёрдам бермаган, дезодорантлар эса фақат маълум муддатга фойда бермоқда.
Hyundai Palisade катта кроссовери 2018 йилда бутунжаҳон тақдимотини Лос-Анжелесда нишонлаган эди. Корея маркасининг флагмани янги платформада қурилган, V6 бензини, тугмачали трансмиссия селектори ва қорда ҳаракатланишга ихтисослашган HTRАC тўлиқ узатмаси билан жиҳозланган.
Изоҳ (0)