Сирдарё вилояти Гулистон шаҳрида жойлашган трансформатор подстанциясида ёнғин келиб чиқди. Олов тезда бартараф этилди, деб хабар бермоқда Фавқулодда вазиятлар вазирлиги.
Маълум қилинишича, 2020 йил 26 август куни соат 09:55 да Сирдарё вилояти Фавқулодда вазиятлар бошқармаси диспетчерлик хизматига Гулистон шаҳар 3-мавзе «Обод юрт» МФЙ Ўзбекистон шоҳкўчасида жойлашган трансформатор подстанциясида ёнғин содир бўлаётганлиги тўғрисида хабар келиб тушган. Ёнғин-қутқарув қисми воқеа жойига соат 09:58 да етиб бориб, соат 10:00 да ёнғин батамом ўчирилган.
Ёнғин натижасида тан жароҳати олганлар йўқлиги маълум қилинди. Ёнғин келиб чиқишининг бирламчи сабаби ёмғир ёғиши натижасида электр симларининг қисқа туташуви деб тахмин қилинмоқда.
Аввалроқ Бухорода чақмоқ уриши натижасида 800 гектар тўқайзор ёниб кетгани хабар қилинган эди.
Изоҳ (0)