Ўзбекистонда 26 август соат 17:00 ҳолатига кўра, коронавирус инфекцияси қайд этилган беморлар сони 39 964 нафарни ташкил этмоқда. Бу ҳақда Соғлиқни сақлаш вазирлиги хабар берди.
26 август куни кун давомида 300 кишида коронавирус аниқланган.
- Тошкент шаҳрида — 269 нафар;
- Тошкент вилоятида — 8 нафар;
- Самарқанд вилоятида — 8 нафар;
- Сурхондарё вилоятида — 6 нафар;
- Наманган вилоятида — 5 нафар;
- Андижон вилоятида — 4 нафар.
- Тошкент шаҳрида — 268 нафар;
- Тошкент вилоятида — 115 нафар;
- Самарқанд вилоятида — 13 нафар;
- Наманган вилоятида — 11 нафар;
- Сурхондарё вилоятида — 6 нафар;
- Андижон вилоятида — 4 нафар;
- Қорақалпоғистонда — 2 нафар.
Шу билан бирга, ССВ 26 август куни Тошкент шаҳрида икки нафар, Самарқанд вилоятида ҳам икки нафар бемор вафот этгани ҳақида маълум қилди. Вазирлик 25 август куни вафот этган Ўзбекистон халқ артисти, 73 ёшли Дилбар Икромованинг ўлими ҳақида 26 август куни хабар берди.
Самарқандда вафот этган беморлардан бири Самарқанд вилояти юқумли касалликлар шифохонасида даволанган эркак, 58 ёшли Эрон фуқароси Б.С. бўлган.
Соғлиқни сақлаш вазирлиги ҳисобига кўра, мамлакатда коронавирус оқибатида вафот этган беморлар сони 291 кишини ташкил қилмоқда. «Дарё» ҳисоби бўйича коронавирусга чалингач, вафот этган беморлар сони 300 нафарга етди.
Давлат хизматлари агентлиги 15 июль куни Навоий вилоятидаги 61 ёшли ходими Адҳамжон Деҳқонов, Маданият вазирлиги эса 18 июль куни 32 ёшли ходими Акмал Ирисов коронавирус асоратларидан вафот этгани, Олмалиқ шаҳри ҳокимлиги 9 ва 15 июль кунлари шаҳар шифохоналарида вафот этган икки аёлда коронавирус тасдиқлангани ҳақида хабар берган. Шунингдек, 19 июль куни Чилонзор тумани Санитария-эпидемиологик осойишталик маркази бактериология лабораторияси мудири 62 ёшли Марҳабо Аҳмедова, 22 июлда бош прокурорнинг собиқ ўринбосари, Қорақалпоғистон прокуратурасида бўлим бошлиғи бўлиб ишлаётган 66 ёшли Ҳакимбай Халимов коронавирус асоратларидан вафот этгани хабар қилинган. 31 июль куни Жиноят ишлари бўйича Тошкент вилоят суди судьяси, 53 ёшли Хайриддин Шермуҳамедов, 1 август куни Тойлоқ тумани прокурори Фарҳод Абдухолиқов, Инновацион соғлиқни сақлаш миллий палатаси «Буюк келажак» кенгаши эксперти 53 ёшли Санжар Жалолов вафот этгани хабар берилди. Бироқ ушбу тўққиз ҳолат ҳақида ССВ томонидан айни вақтгача ахборот берилмаган.
Изоҳ (0)