Ўлган ҳужайралардан ўлик вируслар ҳам ташқарига чиқиши кузатилган. Бу ҳақда 26 август, чоршанба куни АОКАда бўлиб ўтган брифингда Коронавирусга қарши кураш штаби аъзоси Барно Абдусаматова айтиб ўтди.
Брифингда фуқаролардан келиб тушган, «2 ой аввал коронавирусни бошдан кечирдим, уйда даволандим. Ҳозир ўзимни яхши ҳис қиляпман, лекин ПЗР тест натижаси ҳар гал мусбат чиқяпти. Менда вирус яна қайталандими ёки тузалмадимми?», деган саволга жавоб берилди.
Агар шифокорингиз сизни тиббий кўрикдан ўтказиб, тузалганингизни айтган бўлса, демак одамлар учун безарарсиз ва қайта касалланмагансиз.Аввалроқ экспресс тест таҳлили ва у кимларда ўтказилиши ҳақида маълумот берилган эди.Одатда ПЗР таҳлил мусбат чиқадиган бўлса, бу бемор вирусларни ташқарига чиқариши билан атрофдагиларга хавфли ҳисобланади.
Лекин сизда касаллик 2 ой олдин бошланган ва сўзингизга кўра, уйда шифокор назоратида даволангансиз, демак сизда касалликнинг оғир тури бўлмаган.
Зарарланган тўқималардан нафақат тирик ва фаол вируслар, балки ўлган ҳужайралардан ўлик вируслар ҳам ташқарига чиқиши кузатилади.
ПЗР тести эса вирусларнинг чиқишини кўрсатгани сабабли ўлик вируслар ҳам бу даврда тест натижаларини мусбат кўрсатиши мумкин. Лекин ушбу даврда бемор атрофдагиларга безарар бўлади.
Барно Абдусаматова, Коронавирусга қарши кураш штаби аъзоси
Изоҳ (0)