O‘zbekiston Konstitutsiyasi qabul qilingan sana arafasida Farg‘onada ulkan bayroq o‘rnatildi. Bu haqda viloyat hokimligi axborot xizmati ma’lum qildi.
Farg‘ona shahrining Islom Karimov nomidagi Teatr-konsert saroyi xiyobonida mamlakatdagi eng katta — balandligi 67 metr, hajmi 20 metrga 10 metr bo‘lgan davlat bayrog‘i o‘rnatildi.
Davlat bayrog‘i o‘rnatilganligi munosabati bilan o‘tkazilgan tadbir katta tantanaga aylandi. Unda Farg‘ona viloyati hokimi Shuhrat G‘aniyev ishtirok etdi.