Қашқадарёга олиб келиниши режалаштирилган, Хитойда ишлаб чиқарилган 30 дона автобус Қарши шаҳрига етиб келди. Бу ҳақда Қашқадарё вилояти ҳокимлигининг ахборот хизмати хабар берган.
30 та автобусда йўловчилар учун максимал даражада қулайликлар яратилган. Транспорт воситалари юмшоқ ўриндиқлар, совиткич воситалари, салондаги иқлим назорати, мукаммал хавфсизлик тизимларига эга.
Аввал Қашқадарёга 50 дона Isuzu янги автобуслари олиб келинган. Автобуслар транспорт бошқармаси қошида очилган «Транс авто Қарши» шуъба корхонаси ихтиёрига берилиши ва Қарши шаҳридаги муҳим йўналишларга жойлаштирилиши маълум қилинганди.
Аввал Тошкент вилоятининг Бўстонлиқ тумани ҳамда пойтахт аҳолисига қулайлик яратиш мақсадида Тошкент шаҳри «Машинасозлар» метро бекати—Бўстонлиқ «Юсуфхона қўрғони» йўналишида янги автобус қатнови, 2020 йил 22 августдан бошлаб, Бухоро шаҳри Газли шоссеси йўли ёқасида жойлашган «Шарқ» бош бекатидан соат 09:00 дан Бухоро шаҳри—Етти пир зиёратгоҳлари йўналишида транспорт қатнови йўлга қўйилганди.
Изоҳ (0)