Изоҳ: Хабарнинг дастлабки таҳририда ушбу йўл-транспорт ҳодисаси оқибатида бир киши қурбон бўлгани таъкидланган эди. Бу нотўғри — аслида ЙТҲ оқибатида ҳеч ким қурбон бўлмаган. Ушбу нотўғри маълумот сабаб етказилган ноқулайлик ва юзага келган тушунмовчилик учун «Дарё» интернет-нашри таҳририяти номидан воқеа иштирокчилари ва муштарийлардан узр сўраймиз.
Ҳодиса 20 август куни соат 20:20 ларда Саройтепа кўчасида содир бўлган. Cobalt’да ҳаракатланиб келаётган 1993 йилда туғилган ҳайдовчи йўлни кесиб ўтаётган Жиззах шаҳри «Иттифоқ» маҳалласида яшовчи 39 ёшли пиёдани уриб юборган.
Жабрланувчи олган жароҳатлари билан Республика шошилинч тез тиббий ёрдам илмий марказининг Жиззах филиалининг жонлантириш бўлимига ётқизилган.
Жиззах вилоятида одам уриб юбориш билан боғлиқ йўл-транспорт ҳодисалари тез-тез содир бўлиб туради. Жумладан, июль ойида Жиззах вилояти Мирзачўл тумани «Ўзбекистон» ҚФЙ ҳудудида 29 ёшли фуқаро бошқарувидаги Cobalt 4 ёшли болани уриб юборгани, шу куни Жиззах шаҳрида Malibu велосипедда кетаётган мактаб ўқувчисини уриб юборгани ва ўсмирнинг тан жароҳатлари билан шифохонага ётқизилгани ҳақида хабар берилган.
Шунингдек, 24 июль куни Ғаллаорол туманидан Маржонбулоқ шаҳарчасига қараб кетаётган 33 ёшли О.Ж. бошқарувидаги Lacetti «Лалмикор» МФЙ ҳудудида йўлни кесиб ўтаётган 5 ёшли қизчани уриб юборган, оқибатда шифохонага олиб кетилган қизалоқ вафот этган.
Изоҳ (0)