Навоий вилояти Конимех тумани ҳудудида Nexia ҳамда Changam машинаси иштирокида йўл транспорт ҳодисаси содир бўлди. Бу ҳақда ЙҲХББ ахборот хизмати хабар қилган.
Ҳодиса 2020 йил 19 август куни соат 10:25 ларда юз берган. Nexia ҳайдовчисининг ухлаб қолиши оқибатида машина қарама-қарши йўналишга чиқиб кетган ва Changam русумли транспорт воситаси билан тўқнашган.
Авария оқибатида Nexia ҳайдовчиси ўта оғир тан жароҳати олиб, воқеа жойида вафот этган. ЙҲХББ тақдим этган видеолавҳада Changam машинаси ҳайдовчисининг аҳволи ҳақида маълумот берилмаган.
Аввал Навоий вилоятининг Қизилтепа туманида гувоҳномаси йўқ ҳайдовчининг айби билан содир бўлган ЙТҲда П.Қ. исмли фуқаро вафот этгани, Сирдарё вилоятининг Гулистон туманида икки Nexia тўқнашиши оқибатида бир киши ҳалок бўлгани, Навоий вилояти Нурота тумани ҳудудида Damas машинасини бошқариб келаётган 57 ёшли ҳайдовчи ухлаб қолиши оқибатида содир бўлган йўл-транспорт ҳодисаси бир кишининг ўлимига олиб келгани ҳақида хабарлар берилган.
Изоҳ (0)