Қашқадарё вилояти Китоб туманида Damas автомашинаси қарама-қарши йўналишдаги «Камаз» юк машинаси иштирокида содир бўлган ЙТҲ оқибатида бир киши ҳалок бўлди, дея хабар берди ИИВ ЙҲХББ.
Маълум қилинишича, 2020 йилнинг 23 август куни соат 19:30 ларда Қашқадарё вилояти, Китоб тумани, «Сарой» МФЙ, Сарой қишлоғи ички йўлида ҳайдовчи 1979 йилда туғилган С.И. Damas русумли автомобилни бошқараётиб йўлдаги нотекисликдан қочиб, қарама-қарши йўналишга ўтиб кетган. Оқибатда Damas қаршисидан келаётган ҳайдовчи 1996 йилда туғилган Ж.Ж. бошқарувидаги «Камаз 5511» русумли юк автомашинаси билан тўқнашиб, ЙТҲ содир этган.
Натижада Damas русумли автомобиль ҳайдовчиси, 41 ёшли С.И. оғир тан жароҳатлари билан шифохонада вафот этган.
Мазкур ЙТҲ юзасидан Китоб тумани ИИБ ҳузуридаги Тергов бўлими томонидан 2020 йил 24 август куни Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш одам ўлишига сабаб бўлиши) билан жиноят иши қўзғатилиб, тергов ҳаракатлари олиб борилмоқда.
Мавзуга доир:
- Навоийда Nexia ҳайдовчиси ухлаб қолиши оқибатида даҳшатли ЙТҲ содир бўлди. Ҳайдовчилардан бири воқеа жойида вафот этган
- Шароф Рашидов туманида 2 та Damas тўқнашди. Машиналардан биридаги йўловчи бола оғир аҳволда шифохонага ётқизилган
- Чирчиқда Lacetti ҳайдовчиси дарахтга бориб урилиши оқибатида ҳаётдан кўз юмди
- Тошкентда маст ҳолатда машина бошқарган 18 ёшли йигит дўстининг ўлимига сабабчи бўлди
Изоҳ (0)