Toyota компанияси ривожланаётган давлатлар учун ҳамёнбоп Urban Cruiser кроссоверини тақдим этди. Ҳиндистонлик журналистларнинг маълумотларига кўра, Toyota Urban Cruiser Hyundai Creta моделидан камида 10 фоизга арзон бўлади, деб хабар беради Motor.
Toyota дизайнерлари Suzuki Vitara Brezza’нинг ташқи кўринишини кроссовернинг таркибий қисмга тўғри келадиган, бироқ донор билан максимал даражада унификация қилинадиган тарзда қайта кўриб чиқишга уринган. Натижада моделнинг фақатгина олд бампери, радиатор панжараси ва логотипи ўзгарган. Айрим ракурсдан қараганда Urban Cruiser кичрайтирилган Fortuner йўлтанламасига ўхшаб қолган.
Ўзгача ташқи кўриниш унинг ўлчамларига таъсир кўрсатмаган: Toyota Urban Cruiser узунлиги тўрт метрдан ошмайди. Салон қисмида материаллар ва рулдаги лейбл ўзгарган — кроссовер қолган жиҳатлари билан япон маркаси билан бир хил. Аммо Toyota бренди остидаги ихчам йўлтанламас ҳашаматли кўринишга эга: иккита хавфсизлик ёстиқчаси, тўлиқ ёруғлик диодли оптика, 7 дюймли мультимедиа тизими ва иқлим-назорат мавжуд.
Urban Cruiser интерьери фақат кул ранг ва қора Vitara Brezza’дан фарқли ўлароқ, чигарранг рангда ҳам тақдим этилади. Шунингдек, Toyota ўз кроссоверига улкан кафолат беради — 3 йил ёки 100 минг километр. Suzuki Vitara Brezza’да ушбу кўрсаткич 2 йил ёки 40 минг километрга тенг.
Техник жиҳатдан фарқ мавжуд эмас: Urban Cruiser ва Vitara Brezza 105 от кучи ва 138 Нм айланувчи моментга эга 1,5 литрли двигателда ҳаракатга келади. Куч агрегати 5 поғонали «механик» ёки 4 поғонали «автомат» узатмалар қутиси ёрдамида бошқарилади.
Изоҳ (0)