Qashqadaryo viloyati Kitob tumanida Damas avtomashinasi qarama-qarshi yo‘nalishdagi “Kamaz” yuk mashinasi ishtirokida sodir bo‘lgan YTH oqibatida bir kishi halok bo‘ldi, deya xabar berdi IIV YHXBB.
Ma’lum qilinishicha, 2020-yilning 23-avgust kuni soat 19:30 larda Qashqadaryo viloyati, Kitob tumani, “Saroy” MFY, Saroy qishlog‘i ichki yo‘lida haydovchi 1979-yilda tug‘ilgan S.I. Damas rusumli avtomobilni boshqarayotib yo‘ldagi notekislikdan qochib, qarama-qarshi yo‘nalishga o‘tib ketgan. Oqibatda Damas qarshisidan kelayotgan haydovchi 1996-yilda tug‘ilgan J.J. boshqaruvidagi “Kamaz 5511” rusumli yuk avtomashinasi bilan to‘qnashib, YTH sodir etgan.
Natijada Damas rusumli avtomobil haydovchisi, 41 yoshli S.I. og‘ir tan jarohatlari bilan shifoxonada vafot etgan.
Mazkur YTH yuzasidan Kitob tumani IIB huzuridagi Tergov bo‘limi tomonidan 2020-yil 24-avgust kuni Jinoyat kodeksining 266-moddasi 2-qismi (transport vositalari harakati yoki ulardan foydalanish xavfsizligi qoidalarini buzish odam o‘lishiga sabab bo‘lishi) bilan jinoyat ishi qo‘zg‘atilib, tergov harakatlari olib borilmoqda.
Mavzuga doir:
- Navoiyda Nexia haydovchisi uxlab qolishi oqibatida dahshatli YTH sodir bo‘ldi. Haydovchilardan biri voqea joyida vafot etgan
- Sharof Rashidov tumanida 2 ta Damas to‘qnashdi. Mashinalardan biridagi yo‘lovchi bola og‘ir ahvolda shifoxonaga yotqizilgan
- Chirchiqda Lacetti haydovchisi daraxtga borib urilishi oqibatida hayotdan ko‘z yumdi
- Toshkentda mast holatda mashina boshqargan 18 yoshli yigit do‘stining o‘limiga sababchi bo‘ldi
Izoh (0)