АҚШда Элтон Жонга тегишли бўлган ноёб Delahaye 175 кабриолети сотувга қўйилди

Британиялик машҳур қўшиқчи Элтон Жонга тегишли бўлган 1949 йилги ноёб Delahaye 174 кабриолети сотувга қўйилди, деб хабар беради CARakoom.

Рул қисми чап тарафда жойлашган Delahaye Ҳиндистон маҳаражаси Майсур учун люкли купе кўринишида яратилган. 1970 йиллар бошида у америкалик бизнесмен томонидан харид қилиниб, Европага юборилган ва 1979 йилда аукцион орқали сотилган. Элтон Жон эса автомобилни 1980 йилда сотиб олиб, 1983 йилга қадар эгалик қилган.

Тез орада модель қайта таъмирланиб, кабриолетга айлантирилган ва 2001 йилда Петерсен автомобиллар музейи коллекциясини тўлдирган. Айни вақтда у Лос-Анжелесда сақланаётган бўлиб, музей билан сотувга қўйилган. Заводдан чиққан вақтида хардтоп бўлган автомобиль кумуш рангга, кейинроқ эса қизилга бўялган.

Моделга сариқ фаралар ва туманга қарши Маrchal фонарлари, 18 дюймли хромланган дискалар ўрнатилган.

Ҳозирга қадар 2700 километр йўл босган машина 4,45 литрли олти цилиндрли двигатель ёрдамида ҳаракатга келади. Қувват орқа ғилдиракларга тўрт поғонали узатмалар қутиси ёрдамида узатилади.

Аввалроқ афсонавий рок-мусиқачи Эрик Клептон ўзининг Ferrari 599 GTB автомобилини сотувга қўйгани тўғрисида хабар берилганди.