Туркия президенти Ражаб Тоййиб Эрдўғон музей мақомига эга Истанбулдаги Хор монастирини ҳам масжидга айлантириш ҳақида буйруқ берди. Бу ҳақда «Интерфакс» хабар қилди.
Ушбу қарор Туркия ҳукуматининг ЮНЕСКО рўйхатига киритилган Аё София ибодатхонаси масжидга айлантирганидан бир ой ўтиб қабул қилинмоқда.
Хор монастири номи билан танилган мазкур черков Истанбулда Византия давридан қолган энг биринчи ёдгорликлардан бири ҳисобланади. 1948 йилдан бери туристлар учун музей сифатида очиқ ва Қария музейи номи билан юритилади.Аввал Ражаб Тоййиб Эрдўғон Авлиё София мажмуасини масжидга айлантириш масаласида бошқа давлатларнинг фикри аҳамиятсиз эканини айтган, шунингдек, мамлакатда христианлик динига оид маданий мерос объектларининг ҳимоя қилинишини таъкидлаган ва мисол тариқасида Трабзондаги Панагия Сумела православ монастирининг қайта таъмирланганини қайд этганди.
Изоҳ (0)